Eskatu zenidaten legez, aurkezten dizuet aurten erabilitako lehentasunak.
Beti bezala, baloratuko ditugu hurrengo ikasturteari begira.
Baliagarria izango zaizuelakoan, agur bero bat.
LIBURUTEGI
BATZORDEAREN SAIOAREN AKTA
Data;
2012-09-14
Partaideak;
Fernando, zuzendaria eta Gloria, liburuzaina.
Gai ordena;
Eskolaz kanpoko ekintzetara etorriko diren ikasleak sailkatzea, eskaera asko
izan dira eta.
Betidanik
erabili diren kriteriok kontuan hartzen dira. Protokoloari jarraituz, hauek
dira erabilitako lehentasunak;
1.- Saio osoa eskatzen dutenak (autobuseko lehenengo txandako
ikasleei txanda atzeratuko zaie, aurretik aipatutakoen atzera pasatuz, zainduta
baitaude monitorearekin).
2.- Egun gehien eskatzen dituztenak (beharra daukatela adierazten
dutelako). Haien artean prozedura hasiko da hurrengo urratzei jarraituz;
3.- Nagusienetik txikerrerantz
sailkatuko zaie.
Prozedura orokorra
A.- Egun guztiak eskatu dituztenak
- Nagusienetik txikerrerantz
abiatuz, hasiko da 6. mailakoekin, geroxeago 5. mailakoekin etabar.
- Haietariko baten batek neba-
arreba izanez gero, hau ere, onartuko da. (Holan etxe baterako konponbidea
zihurtatzen baita). Umea oso txikia baldin bada, egoera, familiakoei azalduko
zaie eta beraiek aukeratuko dute ia haurra etorriko den ala ez.
- Adina batera helduz gero, ez
bada plaza nahikorik, haien artean zozketa bat burutuko da, eta kontuan
hartuko da aurreko puntua.
B.- Saio gehien eskatu dituztenak
- Segidan, plaza gehiago izanez
gero, kontuan hartuko dira. Beraz, lehentasunei jarraituz, 4 saio, 3 saio,
2 saio eta 1.
- Prozedura; 4 saio eskatzen
dituztenekin hasiko da. A atalean adierazten den prozedura berberari
jarraipena emango zaio.
- Haiekin bukatu ondoren, gauza
bera egingo zaie 3 saio eskatu dutenei. Geroxeago, bi saiodunei eta
bukatzeko batekoei.
C.- Saio erdia eskatzen dutenak. Eta haien artean autobuseko
lehenengo txandakoak azkenak izango dira.
Prozedura;
A atalean adierazten denari jarraituz.
D.- Plaza barik geratuko direnak.
Itxarote-zerrenda.
Prozedura;
- A atalean adierazten denari
jarraituz osatuko da, eskatu dituen egunetan kokatuz.
- Burutuko den zerrendaren
ordenari jarraituz, eta beste egunetako taldean plaza libre izanez gero,
proposatuko zaie egunak aldatzea.
- Bukatu ondoren, plaza gabeko
familiei esango zaie itxarote- zerrendako tokatu zaien txanda.
- OHARRA; Ikasturtean zehar, baja
suertatuz gero, eta zerrendako ordenari jarraituz familiakoei deituko zaie
eskaintzeko.
E.- Baietza edo ezetza
- Eskatutako plazarekin bukatu
bezain laster familiakoei baietza edo ezetza emango zaie, ohar baten bidez.
D eta honen 3. puntuarekin
bukatu ondoren, beste ohar baten bidez, familiakoei itxarote- zerrendako
txanda adieraziko zaie.
